Namangan viloyati Norin tumanida fuqaroni o‘qishga kiritib qo‘yishni va’da qilgan firibgar va uning Toshkent shahridagi sherigi ushlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Norin tumani va DXXning Uchqo‘rg‘on tumanlararo bo‘limlari tomonidan tezkor tadbir o‘tkazilgan. Unda fuqaro Q.N. boshqa bir fuqaro Sh.ni go‘yoki Davlat test markazida ishlovchi tanishi orqali o‘qishga kiritib qo‘yishni va’da qilgani aniqlangan. U evaziga 7 ming dollarni olgan vaqtida ushlangan.
Uning ko‘rsatuviga asosan Toshkent shahrida davom etgan tadbirda Shayxontohur tumanida yashovchi fuqaro S.B. fuqaro Sh.ni Namangan muhandislik texnologiya institutining iqtisodiyot fakultetiga o‘qishga kiritib qo‘yish evaziga 6,5 ming dollarni olgan vaqtida ashyoviy dalillar bilan qo‘lga olingan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Sirdaryoda fuqarolarni 3500 dollar evaziga Guliston davlat universitetiga kiritib qo‘ymoqchi bo‘lgan talaba ushlandi
- Samarqandda fuqaroning Qirg‘izistondagi o‘qishini ko‘chirib berish uchun 1,4 ming dollar olgan shaxs ushlandi
- Samarqandda xorijdan o‘qishni ko‘chirish uchun qalbaki hujjat tayyorlab berish evaziga 2 ming dollar olgan shaxs ushlandi
Izoh (0)