Farg‘ona viloyati Dang‘ara tumanida ikki avtomobil to‘qnashuvida haydovchi halok bo‘ldi. Bu haqda viloyat Ichki ishlar boshqarmasi xabar qildi.
Qayd etilishicha, Spark va Nexia-3 avtomobillari to‘qnashib ketgan. Oqibatda Spark haydovchisi voqea joyida halok bo‘lgan.
Shuningdek, Nexia-3 mashinasining ayol haydovchisi hamda salondagi voyaga yetmagan bola olgan tan jarohatlari bilan tuman shifoxonasiga olib borilgan.
Avvalroq Namanganda Gentra va o‘quv mashinasi ishtirokida sodir bo‘lgan YTH oqibatida bir haydovchi halok bo‘lgani, Namanganda 6 yashar bolani Gentra urib ketgani, Toshkentda Matiz bilan to‘qnashgan Epica ag‘darilib ketgani xabar qilingan.
Izoh (0)