22-may kuni Toshkent shahridagi Inha universitetida Epam Insider Tashkent konferensiyasi bo‘lib o‘tadi. Bu global kompaniyaning faoliyati hamda loyihalari bilan tanishish, Epam Forbes Global 2000 ro‘yxatidan joy olgan dunyodagi eng yirik brendlar bilan ishlash jarayonlarini o‘rganish, turli mamlakatlardan kelgan mutaxassislarga savollar berish va xalqaro IT hamjamiyatining bir qismiga aylanish uchun noyob imkoniyatdir.
Epam Insider konferensiyasi O‘zbekistonda ilk marotaba 2019-yilda bo‘lib o‘tgan. Bu yilgi konferensiya turli mamlakatlardan jamiyat vakillarini jamlaydi.
Mutaxassislar nimalar haqida gapirishadi?
Ishtirokchilarni 2 ta alohida sho‘balarda ingliz tilidagi ma’ruzalar kutmoqda. Kompaniyaning turli bo‘limlari mutaxassislari IT sohasida karyerani qanday boshlash, yangi hamda tajribali mutaxassislar uchun rivojlanish istiqbollari, IT ta’lim yo‘nalishlari, shuningdek, xodimlar ish joyida o‘zlarini o‘z uyidagidek his qilishi uchun qanday jarayonlarni yo‘lga qo‘yish haqida gapirib berishadi.
Haqiqiy holatlar misolida mutaxassislar murakkab muammolarni hal qilish uchun turli texnologiyalardan foydalanish bo‘yicha o‘z tajribalari bilan o‘rtoqlashadilar. Konferensiya dasturidagi 6 ta IT hamjamiyatlari — FrontSpot, DevOps Minsk, Jacov, Pro. NET, Agile Uzbekistan, ProQuality, MJC, GDG Tashkent.
Epam Insider kimga va nima uchun kerak?
Konferensiya axborot texnologiyalari sohasi bilan bog‘liq bo‘lgan yoki IT sohasida faoliyatini boshlashni rejalashtirgan har bir kishi uchun qiziqarli bo‘ladi. Ma’ruzalar ushbu yo‘nalishda endi faoliyatini boshlagan muhandislarga qaysi yo‘nalish tomon harakatlanish va rivojlanish uchun nimalar qilish kerakligini tushunishga yordam beradi. Tajribali mutaxassislar qiyin amaliy savollarga javob topadilar va, albatta, bu bir-birini shaxsan bilish va mutaxassislarga savollar berish uchun ajoyib imkoniyatdir.
Konferensiyada ishtirok etish bepul. Konferensiyada ishtirok etish uchun EPAM Insider | Community platform (wearecommunity.io) platformasi orqali ro‘yxatdan o‘tish talab etiladi.
Epam Insider Tashkent’da ko‘rishguncha!
Epam Systems haqida
1993-yilda tashkil etilgan Epam Systems Inc. bugungi kunda raqamli transformatsiya xizmatlarini yetkazishda, raqamli va jismoniy mahsulotlar va platformalarni ishlab chiqishda yetakchi hisoblanadi. Epam innovatsion strategiya, konsalting, dizayn va muhandislik DNK sohasidagi tajribasidan foydalanib, butun dunyodagi mijozlar va jamoalarga o‘zining ulug‘vor maqsad va rejalarini amalga oshirishda yordam beradi. Epam tomonidan turli tashkilotlar, ta’lim va sog‘liqni saqlash sohalari uchun ishlab chiqilgan raqamli platformalar tashkilotlar faoliyati va xizmat ko‘rsatish sohalarida o‘zaro ishlash tajribasini yanada qulayroq qiladi, odamlarni birlashtiradi va ularning hayotini yaxshilashga yordam beradi. 2021-yilda Epam S&P 500 fond indeksiga va Forbes Global 2000 dunyodagi eng yirik ommaviy kompaniyalar ro‘yxatiga kiritilgan.
Epam’ning ko‘p tarmoqli jamoalari jahonning 5 qit’asida joylashgan 45 dan ortiq mamlakatlarda faoliyat yuritadi. Epam Newsweek jurnali tomonidan 2021-yilning eng yaxshi ish beruvchisi deb topildi. Epam Fortune 1000 reytingidagi eng yaxshi 15 ta axborot texnologiyalari kompaniyalaridan biri bo‘lib, so‘nggi uch yil davomida Fortune 100 ta eng tez rivojlanayotgan kompaniyalar ro‘yxatida birinchi o‘rinni egallab kelmoqda. Kompaniya ketma-ket uchinchi yil Ad Age jurnali tomonidan dunyodagi 25 ta eng yirik agentliklardan biri, Consulting Magazine esa Epam Continuum’ni yigirmata eng tez rivojlanayotgan kompaniyalardan biri deb topdi. Qo‘shimcha ma’lumotlarni www.epam.com saytidan oling va bizni Instagram va Telegram kanalini kuzatib boring.
Reklama huquqi asosida.
Izoh (0)