22 май куни Тошкент шаҳридаги Инҳа университетида Epam Insider Tashkent конференцияси бўлиб ўтади. Бу глобал компаниянинг фаолияти ҳамда лойиҳалари билан танишиш, Epam Forbes Global 2000 рўйхатидан жой олган дунёдаги энг йирик брендлар билан ишлаш жараёнларини ўрганиш, турли мамлакатлардан келган мутахассисларга саволлар бериш ва халқаро IT ҳамжамиятининг бир қисмига айланиш учун ноёб имкониятдир.
Epam Insider конференцияси Ўзбекистонда илк маротаба 2019 йилда бўлиб ўтган. Бу йилги конференция турли мамлакатлардан жамият вакилларини жамлайди.
Мутахассислар нималар ҳақида гапиришади?
Иштирокчиларни 2 та алоҳида шўъбаларда инглиз тилидаги маърузалар кутмоқда. Компаниянинг турли бўлимлари мутахассислари IT соҳасида карьерани қандай бошлаш, янги ҳамда тажрибали мутахассислар учун ривожланиш истиқболлари, IT таълим йўналишлари, шунингдек, ходимлар иш жойида ўзларини ўз уйидагидек ҳис қилиши учун қандай жараёнларни йўлга қўйиш ҳақида гапириб беришади.
Ҳақиқий ҳолатлар мисолида мутахассислар мураккаб муаммоларни ҳал қилиш учун турли технологиялардан фойдаланиш бўйича ўз тажрибалари билан ўртоқлашадилар. Конференция дастуридаги 6 та IT ҳамжамиятлари — FrontSpot, DevOps Minsk, Jacov, Pro. NET, Agile Uzbekistan, ProQuality, MJC, GDG Tashkent.
Epam Insider кимга ва нима учун керак?
Конференция ахборот технологиялари соҳаси билан боғлиқ бўлган ёки IT соҳасида фаолиятини бошлашни режалаштирган ҳар бир киши учун қизиқарли бўлади. Маърузалар ушбу йўналишда энди фаолиятини бошлаган муҳандисларга қайси йўналиш томон ҳаракатланиш ва ривожланиш учун нималар қилиш кераклигини тушунишга ёрдам беради. Тажрибали мутахассислар қийин амалий саволларга жавоб топадилар ва, албатта, бу бир-бирини шахсан билиш ва мутахассисларга саволлар бериш учун ажойиб имкониятдир.
Конференцияда иштирок этиш бепул. Конференцияда иштирок этиш учун EPAM Insider | Community platform (wearecommunity.io) платформаси орқали рўйхатдан ўтиш талаб этилади.
Epam Insider Tashkent’да кўришгунча!
Epam Systems ҳақида
1993 йилда ташкил этилган Epam Systems Inc. бугунги кунда рақамли трансформация хизматларини етказишда, рақамли ва жисмоний маҳсулотлар ва платформаларни ишлаб чиқишда етакчи ҳисобланади. Epam инновацион стратегия, консалтинг, дизайн ва муҳандислик ДНК соҳасидаги тажрибасидан фойдаланиб, бутун дунёдаги мижозлар ва жамоаларга ўзининг улуғвор мақсад ва режаларини амалга оширишда ёрдам беради. Epam томонидан турли ташкилотлар, таълим ва соғлиқни сақлаш соҳалари учун ишлаб чиқилган рақамли платформалар ташкилотлар фаолияти ва хизмат кўрсатиш соҳаларида ўзаро ишлаш тажрибасини янада қулайроқ қилади, одамларни бирлаштиради ва уларнинг ҳаётини яхшилашга ёрдам беради. 2021 йилда Epam S&P 500 фонд индексига ва Forbes Global 2000 дунёдаги энг йирик оммавий компаниялар рўйхатига киритилган.
Epam’нинг кўп тармоқли жамоалари жаҳоннинг 5 қитъасида жойлашган 45 дан ортиқ мамлакатларда фаолият юритади. Epam Newsweek журнали томонидан 2021 йилнинг энг яхши иш берувчиси деб топилди. Epam Fortune 1000 рейтингидаги энг яхши 15 та ахборот технологиялари компанияларидан бири бўлиб, сўнгги уч йил давомида Fortune 100 та энг тез ривожланаётган компаниялар рўйхатида биринчи ўринни эгаллаб келмоқда. Компания кетма-кет учинчи йил Ad Age журнали томонидан дунёдаги 25 та энг йирик агентликлардан бири, Consulting Magazine эса Epam Continuum’ни йигирмата энг тез ривожланаётган компаниялардан бири деб топди. Қўшимча маълумотларни www.epam.com сайтидан олинг ва бизни Instagram ва Telegram каналини кузатиб боринг.
Реклама ҳуқуқи асосида.
Изоҳ (0)