Qashqadaryo viloyati Qamashi tumanida 12-may kuni kannabis giyohvand moddasini parvarishlab kelayotgan shaxs qo‘lga olindi. Bu haqda viloyat Ichki ishlar boshqarmasi xabar qildi.
Qayd etilishicha, tumani IIB hamda tuman DXX xodimlari tomonidan “Qoradori-2022” tezkor profilaktik tadbiri o‘tkazilgan. Tadbir davomida Samarqand viloyati Nurobod tumanida yashovchi T.X. 2022-yil mart oyida Qamashi tumani Jonbuz qishlog‘i hududida vaqtincha yashash uyi tomorqasining yer maydoniga ishlov berib, giyohvandlik vositasi urug‘larini ekib parvarishlab, taqiqlangan ekinlarni qonunga xilof ravishda yetishtirib kelayotgani aniqlangan.
Hujjatlashtirilib olingan yashil rangli o‘simlik tarkibida kannabinol, kannabidiol moddasi bor bo‘lgan. Ushbu ta’qiqlangan 50 tup kannabisning uzunligi 28 sm dan 55 sm gacha ekani, o‘simlikning nam holatdagi jami sof og‘irligi 165 grammni tashkil etishi ma’lum bo‘lgan.
Holat yuzasidan Jinoyat kodeksining 270-moddasi (taqiqlangan ekinlarni yetishtirish) bilan jinoyat ishi qo‘zg‘atilgan.
Izoh (0)