Қашқадарё вилояти Қамаши туманида 12 май куни каннабис гиёҳванд моддасини парваришлаб келаётган шахс қўлга олинди. Бу ҳақда вилоят Ички ишлар бошқармаси хабар қилди.
Қайд этилишича, тумани ИИБ ҳамда туман ДХХ ходимлари томонидан «Қорадори-2022» тезкор профилактик тадбири ўтказилган. Тадбир давомида Самарқанд вилояти Нуробод туманида яшовчи Т.Х. 2022 йил март ойида Қамаши тумани Жонбуз қишлоғи ҳудудида вақтинча яшаш уйи томорқасининг ер майдонига ишлов бериб, гиёҳвандлик воситаси уруғларини экиб парваришлаб, тақиқланган экинларни қонунга хилоф равишда етиштириб келаётгани аниқланган.
Ҳужжатлаштирилиб олинган яшил рангли ўсимлик таркибида каннабинол, каннабидиол моддаси бор бўлган. Ушбу та’қиқланган 50 туп каннабиснинг узунлиги 28 см дан 55 см гача экани, ўсимликнинг нам ҳолатдаги жами соф оғирлиги 165 граммни ташкил этиши маълум бўлган.
Ҳолат юзасидан Жиноят кодексининг 270-моддаси (тақиқланган экинларни етиштириш) билан жиноят иши қўзғатилган.
Изоҳ (0)