“Islom taraqqiyot banki ishtirokidagi O‘zbekiston Respublikasi onkologiya muassasalarini modernizatsiya qilish (II bosqich) loyihasini amalga oshirish chora-tadbirlari to‘g‘risida”gi prezident qarori qabul qilindi.
O‘zbekiston va Islom taraqqiyot banki o‘rtasida 2021-yil 4-sentabrda “O‘zbekiston Respublikasi onkologiya muassasalarini modernizatsiya qilish (II bosqich)” loyihasini moliyalashtirish uchun 5 yillik imtiyozli davr bilan 20 yil muddatga jami 80 million dollar miqdorida qarz bitimi imzolangandi.
Loyihaning II bosqichini 2022—2026-yillarda amalga oshirish doirasida onkologiya muassasalarini qurish, rekonstruksiya va modernizatsiya qilish, ularni jihozlash uchun 110 turdan ortiq tibbiy va diagnostik asbob-uskunalar xarid qilish, Jahon sog‘liqni saqlash tashkiloti mutaxassislarini jalb qilgan holda onkologiya xizmati salohiyatini tubdan oshirish, saratonni boshlang‘ich bosqichlarida aniqlash va ushbu yo‘nalishda soha mutaxassislarini o‘qitish va tayyorlash, onkologiya sohasida ma’lumotlarni saqlash va qayta ishlashning elektron tizimini yaratishga qaratilgan tadbirlar amalga oshiriladi.
Qaror bilan quyidagilar belgilangan:
- Sog‘liqni saqlash vazirligi loyihani o‘z vaqtida amalga oshirish hamda muvofiqlashtirish, shuningdek, ITB qarzidan maqsadli va samarali foydalanish bo‘yicha mas’ul ijro etuvchi organ hisoblanadi;
- Sog‘liqni saqlash vazirligi huzuridagi “O‘zmedimpeks” mas’uliyati cheklangan jamiyati loyiha doirasida tuzilgan shartnomalar bo‘yicha kontragent hisoblanadi;
- ITBning qarz mablag‘larini qaytarish, shu jumladan, qo‘shimcha haq (ustama) va foizlar, boshqa to‘lovlar bilan bog‘liq xarajatlar respublika budjeti mablag‘lari hisobidan qoplanadi.
- “O‘zbekiston Respublikasi onkologiya muassasalarini modernizatsiya qilish (II bosqich)” loyihasining asosiy texnik-iqtisodiy ko‘rsatkichlari;
- “O‘zbekiston Respublikasi onkologiya muassasalarini modernizatsiya qilish (II bosqich)” loyihasi bo‘yicha Islom taraqqiyot bankining qarz mablag‘larini qaytarish, shu jumladan, qo‘shimcha haq (ustama) va foizlarni to‘lashning prognoz jadvali;
- “O‘zbekiston Respublikasi onkologiya muassasalarini modernizatsiya qilish (II bosqich)” loyihasi doirasida jalb etilayotgan qarz mablag‘larining sarflanish yo‘nalishlari taqsimoti.
Izoh (0)