2022-yilning aprel oyida Markaziy bank tomonidan o‘tkazilgan so‘rov natijalariga ko‘ra, aholi tomonidan sezilgan inflyatsiya mart oyidagi ko‘rsatkichga nisbatan 1,1 foiz bandga pastlab, 14,6 foizni tashkil etdi.
So‘rovnomada umumiy javob beruvchilarning aksariyat qismi inflyatsiyani 9-12 foiz atrofida sezishgan. Narxlar oshishining yuqori bo‘lganini ta’kidlagan aholi orasida ham pasayish kuzatilgan.
Ko‘pchilik aprel oyida o‘simlik yog‘i, shakar va qandolat mahsulotlari hamda non va un mahsulotlari qimmatlaganini sezishgan bo‘lsa, ichimliklar, dukkakli mahsulotlar hamda aloqa va internet narxi biroz oshganini ta’kidlashgan.
Umumiy ovqatlanish, qurilish, ishlab chiqarish, qishloq xo‘jaligi hamda tibbiyot sohalarida faoliyat yuritayotgan aholi tomonidan sezilgan inflyatsiya darajasi boshqa soha vakillariga nisbatan yuqoriroq bo‘lgan.
Buxoro, Namangan hamda Xorazm viloyatlarida inflyatsiya qolgan hududlarga qaraganda yuqoriroq kuzatilgan bo‘lsa, nisbatan past ko‘rsatkichlar Surxondaryo va Andijon viloyatlarida qayd etilgan.
Avvalroq 2022-yilning aprel oyida iste’mol bozoridagi tovarlar va xizmatlarning inflyatsiya darajasi 1,5 foizni tashkil etgani haqida xabar berilgan edi.
Izoh (0)