Futbol bo‘yicha Italiya A Seriyasining 37-turida “Milan” 15-may, yakshanba kuni “Atalanta”ni qabul qildi.
Uchrashuvning birinchi bo‘limida hisob ochilmadi. 56-daqiqada Rafael Leau milanliklarni oldinga olib chiqdi. 75-daqiqada Teo Ernandes bir necha raqibini aldab o‘tgan holda jarima maydoniga yorib kirdi va jamoasining ikkinchi golini urdi.
Ushbu g‘alaba evaziga “Milan” ochkolarini 83 taga yetkazib, yakka peshqadam bo‘lib turibdi va 15-may tunida o‘z o‘yinini o‘tkazadigan “Inter”dan 5 ochko oldinda. “Inter” 37-turdagi o‘yinida g‘alaba qozona olmasa “Milan” chempionlikni qo‘lga kiritadi.
“Napoli” o‘z uyida “Jenoa”ni yirik hisobda yengdi. Neapolliklarning gollariga Viktor Osimhen, Lorenso Insinye va Stanislav Lobotka mualliflik qildi.
A Seriya
37-tur bahslari
15-may, yakshanba
“Milan” — “Atalanta” 2:0
Gollar: 1:0 – 56 Rafael Leau, 2:0 – 75 Ernandes.“Milan”: Menyan, Kalabriya (Florensi, 80), Tomori, Kalulu, Ernandes, Krunich (Bakayoko, 79), Kessie, Salemakers (Messias, 55), Tonali (Bennaser, 63), Jiru (Rebich, 55), Rafael Leau.
“Atalanta”: Musso, Xatebur (Skalvini, 79), de Ron, Palomino (Demiral, 80), Gimshiti, Zappakosta, Froyler, Pashalich (Malinovskiy, 55), Pessina (Boga, 70), Kopmeyners, Muriel (Sapata, 55).
Ogohlantirishlar: Jiru (44), Kopmeyners (53), Kessie (67), Malinovskiy (87), Bennaser (90).
Izoh (0)