Professional boksning yarim o‘rta vazn toifasida harakat qilayotgan Jamshid Najmiddinov (19-2, 15 KO) Toshkent vaqti bilan 15-may tongida o‘zining navbatdagi jangini o‘tkazdi.
AQShning Dallas shahrida bo‘lib o‘tgan jangda o‘zbekistonlik bokschi mahalliy sportchi Charlz Hetliga (30-3-1, 21 KO) qarshi bahs olib bordi. Katta ustunlikka erishgan Najmiddinov ikkinchi raundda raqibini nokautga uchratdi.
Ushbu g‘alaba orqali Jamshidbek WBC Amerika mintaqaviy kamariga ega chiqdi.
Qayd etish kerak, Hetlining ketma-ket to‘rtta g‘alabadan iborat seriyasiga yakun yasaldi. So‘nggi bor Charlz super yarim o‘rta vazn toifasi mutlaq chempioni Jermell Charloga yutqazib qo‘ygandi.
Izoh (0)