Futbol bo‘yicha Angliya Premyer Ligasining 37-turi doirasidagi qator o‘yinlar 15-may, yakshanba kuni bo‘lib o‘tdi.
“Manchester Siti” Londonda “Vest Hem” bilan o‘ynadi. Birinchi bo‘limda Jarrod Bouen dublni rasmiylashtirgan holda maydon egalarini tanaffusga g‘olib holda chiqishini ta’minladi.
Ikkinchi bo‘lim debyutida Jek Grilish hisobni qisqartirgan bo‘lsa, 62-daqiqada “shaharliklar” avtogol evaziga muvozanatni tikladi. Manchester jamoasi so‘nggi daqiqalarda g‘alabani ilib ketishi mumkin edi, biroq Riyod Mahrez penaltidan unumli foydalana olmadi.
“Manchester Siti” so‘nggi tur oldidan 90 ochko bilan peshqadam bo‘lib turibdi va bitta zaxira o‘yiniga ega “Liverpul”dan uch ochko oldinda. “Vest Hem” 56 ochko bilan 7-pog‘onani band etib turibdi.
“Tottenhem” o‘z uyida “Byornli”ni qabul qildi. Birinchi bo‘lim yakunlanishi arafasida “shporlar” penalti tepish imkoniyatiga ega bo‘ldi. 11 metrlik jarima zarbasidan Harri Keyn unumli foydalandi. Bu amalga o‘yin taqdirini hal qildi.
Ushbu g‘alaba evaziga “Tottenhem” ochkolarini 68 taga yetkazib olgan holda 4-o‘ringa ko‘tarildi va ushbu turdagi o‘yinini o‘tkazmagan “Arsenal”dan 2 ochko oldinda bormoqda. “Byornli” (34) 17-o‘rinda qoldi.
APL
37-tur bahsi
15-may, yakshanba
“Vest Hem” — “Manchester Siti” 2:2
Gollar: 1 :0 – 24 Bouen, 2:0 – 45 Bouen, 2:1 – 49 Grilish, 2:2 – 69, avtogol Soufal.“Vest Hem”: Fabianski, Soufal, Douson, Zuma, Kressuell, Lansini (Nobl, 77), Souchek, Rays, Fornals (Jonson, 90+2), Antonio (Yarmolenko, 90+5), Bouen.
“Manchester Siti”: Ederson, Joau Kanselu, Fernandinyo, Lyaport, Zinchenko, de Bryuyne, Bernardu Silva, Rodri, Grilish, Mahrez, Gabriel Jezus.
Ogohlantirishlar: Bouen (32), Soufal (58), Fabianski (60), Gabriel Jezus (90+4).
“Tottenhem” — “Byornli” 1:0
Gol: 1:0 – 45, penalti Keyn.“Tottenhem”: Lyoris, Emerson (Rodon, 90), Dayer, Devis, Sanches, Hyoybyerg, Sessenyon, Son Hyon Min, Lukas Moura (Kulusevski, 79), Bentankur, Keyn.
“Byornli”: Poup, Roberts, Louton (Lennon, 78), Long, Kollinz, Teylor, Kork, Braunxill, Barns (Vegorst, 78), Korne, Maknil.
Ogohlantirishlar: Roberts (27), Poup (45), Lukas Moura (49), Lyoris (86), Kulusevski (90).
Izoh (0)