Футбол бўйича Италия А Сериясининг 37-турида «Милан» 15 май, якшанба куни «Аталанта»ни қабул қилди.
Учрашувнинг биринчи бўлимида ҳисоб очилмади. 56-дақиқада Рафаэл Леау миланликларни олдинга олиб чиқди. 75-дақиқада Тео Эрнандес бир неча рақибини алдаб ўтган ҳолда жарима майдонига ёриб кирди ва жамоасининг иккинчи голини урди.
Ушбу ғалаба эвазига «Милан» очколарини 83 тага етказиб, якка пешқадам бўлиб турибди ва 15 май тунида ўз ўйинини ўтказадиган «Интер»дан 5 очко олдинда. «Интер» 37-турдаги ўйинида ғалаба қозона олмаса «Милан» чемпионликни қўлга киритади.
«Наполи» ўз уйида «Женоа»ни йирик ҳисобда енгди. Неаполликларнинг голларига Виктор Осимҳен, Лоренцо Инсине ва Станислав Лоботка муаллифлик қилди.
А Серия
37-тур баҳслари
15 май, якшанба
«Милан» — «Аталанта» 2:0
Голлар: 1:0 – 56 Рафаэл Леау, 2:0 – 75 Эрнандес.«Милан»: Меньян, Калабрия (Флоренци, 80), Томори, Калулу, Эрнандес, Крунич (Бакаёко, 79), Кессиэ, Салемакерс (Мессиас, 55), Тонали (Беннасер, 63), Жиру (Ребич, 55), Рафаэл Леау.
«Аталанта»: Муссо, Хатебур (Скалвини, 79), де Рон, Паломино (Демирал, 80), Гимшити, Заппакоста, Фройлер, Пашалич (Малиновский, 55), Пессина (Бога, 70), Копмейнерс, Муриэль (Сапата, 55).
Огоҳлантиришлар: Жиру (44), Копмейнерс (53), Кессиэ (67), Малиновский (87), Беннасер (90).
Изоҳ (0)