Turkish Airlines O‘zbekistonga muntazam yangi reyslarni yo‘lga qo‘yadi. Bu haqda aviakompaniya bosh direktori Bilal Ekshiga tayanib, Anadolu agentligi xabar berdi.
Ekshining ma’lum qilishicha, Istanbul—Buxoro yo‘nalishi bo‘yicha parvozlar 7-iyundan boshlab amalga oshiriladi. Bundan tashqari, turk aviatashuvchisi O‘zbekistonning boshqa shaharlari bilan ham qatnovlar chastotasini ko‘paytiradi.
9—10-maydan boshlab Turkish Airlines samolyotlari Istanbuldan Toshkentga haftasiga 17 marta, Samarqandga — 4 marta, Farg‘onaga — 3 marta parvoz qiladi. 16-maydan boshlab esa Istanbul—Urganch reyslari haftasiga ikki marotaba amalga oshiriladi.
Avvalroq Uzbekistan Airways Buxoro—Istanbul—Buxoro yo‘nalishi bo‘yicha yangi aviaqatnovlarni yo‘lga qo‘yishi ma’lum bo‘lgandi.
Izoh (0)