“Aeroflot” Moskvadan Toshkentga to‘g‘ridan to‘g‘ri reyslarni tikladi. Bu haqda kompaniya bayonotida ma’lum qilingan.
Kunlik reyslar keng fuzelyajli Airbus A330 samolyotlarida amalga oshiriladi, chunki Yevropa Ittifoqi ularni ijaraga olish uchun sanksiyalarni yumshatgan.
Parvozlar 20-maydan boshlanadi va har kuni amalga oshiriladi.
May oyining oxiri uchun Toshkentdan uchish uchun chiptalar narxi 14 ming rubldan (2,34 mln so‘m), Moskvadan – 10 300 rubldan (1,72 mln so‘m) turadi.
“Aeroflot”ning Moskvadan to‘g‘ridan to‘g‘ri reyslari yo‘lga qo‘yilishi munosabati bilan 21-maydan boshlab “Rossiya” aviakompaniyasi tomonidan Sochidan Toshkentga parvozlar bekor qilinadi. Yo‘lovchilar Moskvadan reyslarga qayta bron qilinadi.
“Rossiya” mart oyi oxirida Sochidan Toshkent va boshqa shaharlarga parvozlar boshlanganini e’lon qilgan edi – ular Rossiyada ishlab chiqarilgan SSJ 100 samolyotlarida amalga oshirilgan.
Yaqinda bu aviakompaniya Moskvadan Samarqand, Buxoro va Urganchga to‘g‘ridan to‘g‘ri reyslarni yo‘lga qo‘ygan edi.
Avvalroq Termizdan Sankt-Peterburgga muntazam aviaqatnovlar tiklanishi haqida xabar berilgan edi.
