“Xalqaro shartnomani tasdiqlash to‘g‘risida”gi prezident qarori qabul qilindi. Bu haqda Telegram’dagi “Huquqiy axborot” kanali xabar berdi.
Qarorga muvofiq, O‘zbekiston hamda Qozog‘iston hukumatlari o‘rtasida Kosmik fazoni tinchlik maqsadlarida tadqiq etish va foydalanish sohasida hamkorlik to‘g‘risidagi bitim tasdiqlangan.
Mazkur bitim 2021-yil 6-dekabrda Nur-Sulton shahrida imzolangan.
Ta’kidlanishicha, Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin O‘zbekistonning majburiyatlari bajarilishini ta’minlaydi.
Eslatib o‘tamiz, 2021-yilning fevralida O‘zbekiston hamda Janubiy Koreya kosmosni birgalikda tadqiq etish bo‘yicha kelishuvga erishgan edi.
Izoh (0)