Rossiya 2022-yil 24-fevralda Ukrainada harbiy operatsiyalarni boshlaganidan beri 8-may holatiga ko‘ra 3381 nafar tinch aholi, xususan, 235 nafar bola halok bo‘lgan. Bu haqda BMTning Inson huquqlari bo‘yicha Oliy komissari boshqarmasi ma’lum qilgan.
Boshqarma axborotiga ko‘ra, 3680 nafar tinch aholi vakili urushda turli darajadagi jarohatlar olgan.
Kiyev nazorati ostidagi Donetsk va Lugansk viloyatlarida 1699 nafar odam halok bo‘lgan, 1441 kishi yaralangan.
Mazkur ikki viloyatning Kiyevga bo‘ysunmayotgan hududlarida 111 nafar odam o‘lgan, 443 kishi yaralangan, deyiladi BMT xabarida. Ukrainaning boshqa hududlarida esa 1571 kishi halok bo‘lgan, 1796 nafar odam yaralangan.
Avval may boshida Ukrainada urush boshidan buyon 3,1 ming tinch aholi halok bo‘lgani, shundan 200 nafardan oshig‘i voyaga yetmaganlar ekanligi xabar qilingandi.
Izoh (0)