Россия 2022 йил 24 февралда Украинада ҳарбий операцияларни бошлаганидан бери 8 май ҳолатига кўра 3381 нафар тинч аҳоли, хусусан, 235 нафар бола ҳалок бўлган. Бу ҳақда БМТнинг Инсон ҳуқуқлари бўйича Олий комиссари бошқармаси маълум қилган.
Бошқарма ахборотига кўра, 3680 нафар тинч аҳоли вакили урушда турли даражадаги жароҳатлар олган.
Киев назорати остидаги Донецк ва Луганск вилоятларида 1699 нафар одам ҳалок бўлган, 1441 киши яраланган.
Мазкур икки вилоятнинг Киевга бўйсунмаётган ҳудудларида 111 нафар одам ўлган, 443 киши яраланган, дейилади БМТ хабарида. Украинанинг бошқа ҳудудларида эса 1571 киши ҳалок бўлган, 1796 нафар одам яраланган.
Аввал май бошида Украинада уруш бошидан буён 3,1 минг тинч аҳоли ҳалок бўлгани, шундан 200 нафардан ошиғи вояга етмаганлар эканлиги хабар қилинганди.
Изоҳ (0)