Bugun,

  • USD 10940.05
  • RUB 182.26
  • EUR 11121.65

Ukraina portlarida 4,5 million tonnaga yaqin don to‘planib qolgan, ularni olib chiqishning imkoni yo‘q, dedi Germaniyadagi BMT Jahon oziq-ovqat dasturi direktori Martin Frik.

Foto: “TASS”

Foto: “TASS”

“Hozirda deyarli 4,5 million tonna don Ukraina portlari va kemalarida bloklanib qolgan, ulardan foydalanish imkonsiz”, — dedi Frik.

U ochlikdan na siyosiy, na iqtisodiy qurol sifatida foydalanmaslik kerakligini qayd etdi. Oziq-ovqat dasturi rahbarining ta’kidlashicha, muammo ikki tomonlama: oziq-ovqat mahsulotlari “global oziq-ovqat inqirozini yumshatish uchun” ham Ukraina hududidagi, ham dunyoning boshqa mamlakatlaridagi odamlarga yetib borishi kerak.

BMTning Oziq-ovqat va qishloq xo‘jaligi tashkiloti (FAO) ma’lumotlariga ko‘ra, Ukraina bug‘doy eksporti bo‘yicha beshinchi o‘rinni egallab, jahon bozorida uning ulushi qariyb 10 foizni tashkil etadi. Shuningdek, u eng yirik makkajo‘xori eksportchilaridan biri hisoblanadi — jahon eksportidagi ulushi 15 foiz atrofida.

Rossiya ham jahon bozorida qariyb 17 foiz ulushi bilan bug‘doy eksporti bo‘yicha dunyoda yetakchilardan hisoblanadi, kungaboqar urug‘i yetkazib berish bo‘yicha esa ikkinchi o‘rinda turadi.

Fransiya prezidenti Emmanuel Makron mart oyi oxirida Ukrainadagi voqealar tufayli dunyoda “misli ko‘rilmagan” oziq-ovqat inqirozi xavfi haqida ogohlantirgandi. “Bu holat bir qator mamlakatlarda og‘ir gumanitar vaziyatlarga sabab bo‘ladi va, shubhasiz, ulkan siyosiy oqibatlarga olib keladi”, — degan u. Fransiya prezidenti bu boradagi vaziyat 1-1,5 yil ichida yanada yomonlashishidan ogohlantirgan.

Shundan so‘ng AQSH prezidenti Jo Bayden fransiyalik hamkasbining fikriga qo‘shilib, chindan ham oziq-ovqat taqchilligi yuz berishini aytdi. Uning qo‘shimcha qilishicha, G7 ga a’zo davlatlar oziq-ovqat taqchilligini kamaytirish maqsadida bug‘doy yetishtirishni ko‘paytirish choralarini muhokama qilgan.

Izoh
Asosiy yangiliklar
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
“Afg‘oniston iqtisodiyotini tiklash xalqaro hamjamiyatning umumiy ustuvor yo‘nalishi bo‘lishi kerak” — Vladimir Norov
Mahalliy
Foto: Dubay—Namangan—Dubay yo‘nalishida muntazam aviaqatnovlar yo‘lga qo‘yildi