“Arsenal” bosh murabbiyi Mikel Arteta “kanonir”lar bilan amaldagi shartnomasini uzaytirdi. Bu haqda klub matbuot xizmati ma’lum qildi.
40 yoshli murabbiy London klubi bilan 2025-yilning yoziga qadar mo‘ljallangan shartnoma imzoladi.
Futbolchilik davrida 2011-yildan 2016-yilga qadar “Arsenal” sharafini himoya qilgan Arteta, 2019-yildan jamoa bosh murabbiyligini qabul qilib olgandi. Unga qadar u “Manchester Siti”da Pep Gvardiola murabbiylar shtabida faoliyat olib borgan.
Ispaniyalik mutaxassis qo‘l ostida “kanonirlar” Angliya Kubogi va Superkubogida g‘alaba qozongan.
Ayni damda “Arsenal” APLda 34 turdan so‘ng 63 ochko bilan 4-o‘rinda bormoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)