Keyingi yillarda mamlakatimizda amalga oshirilayotgan ijtimoiy siyosatning mohiyati, yo‘nalishi aholining yordamga muhtoj qatlamlarini qo‘llab-quvvatlash va kambag‘allikni bartaraf etishga qaratilgan aniq reja va samaradorlikka qaraltilganligi bilan farq qilmoqda. Bu boradagi faoliyatni davlat rahbarining shaxsan boshchiligida muvofiqlashtirib borishda ehtiyojmand aholining ijtimoiy himoyasini yanada kuchaytirish chora tadbirlari bo‘yicha 29-aprel kuni o‘tkazilgan videoselektor yig‘ilishi, ijtimoiy, tashkiliy-siyosiy va strategik ahamiyati bilan muhim ahamiyatga ega.
Birinchidan, ijtimoiy jihatdan ehtiyojmand aholining barcha qismi, qanday ahvolda bo‘lmasin davlatning e’tiborida ekanligini, bu yo‘nalishdagi strategiyadan kelib chiqib ishlab chiqilgan rejalarning amalda qanday borayotganligi, uning joriy yildagi dastlabki natijalari va yangi vazifalarning qo‘yilishi nafaqat aholining yordamga muhtoj qatlamlariga va balki butun aholiga nisbatan amalga oshirilayotgan ijtimoiy siyosatning adolatligidan kelib chiqayotganligini ko‘rsatadi. Bu tadbirning Ramazon Hayiti bayrami arafasida o‘tkazilishi ijtimoiy siyosatning adolatligidan va xalqchilligini ko‘rsatadi.
Ikkinchidan, yig‘ilishda tashkiliy jihatdan barcha viloyatlar, aholining turli qatlamlari kesimida 2022-yil davomida amalga oshirilayotgan ishlarning qanday borayotganligi va real ahvolning keng jamoatchilik oldida, mas’ullar va ijtimoiy faollar bilan muhokama qilinishi, ularning fikr mulohazalariga e’tibor berildi va zarur ko‘rsatmalar berildi. Bu o‘z navbatida bu sohadagi ishlarni tizimli olib borilayotganligini o‘z vaqtida va joyida ta’minlanayotganligini ko‘rsatadi. Ikkinchidan, mavjud muammolarni masalan, 2,2 million aholining ijtimoiy yordamga muhtojligi yana 340 ming aholini ijtimoiy yordam bilan qamrab olish zaruriyati mavjudligi; ehtiyojmand aholining muammolari bilan respublika ahamiyatidagi idoralarning mahalla darajasiga ish olib bormayotganligi; avval ishlamagan, “Saxovat” uylaridagi yashovchi 1 mingga yaqin yoshi ulug‘ kishilarga hozir hech qanday to‘lov yo‘qligi kabi tizimli muammolarning muhokama qilinganligi va ularni hal etish uchun konkret natijalarga erishishning shart-sharoitlari va imkoniyatlarini, ishning rejaga muvofiqligini ta’minlash uchun ko‘rsatmalar berildi. Shuningdek qo‘yilgan vazifalarni bajarishga ijobiy yordam berayotgan va to‘sqinlik qilayotgan omillarni yo‘qotish uchun qo‘shimcha mexanizmlarini aniqlash asosida kerakli qarorlarni qabul qilishga yangi imkoniyatlar vujudga keltirdi.
Uchinchidan, yig‘ilishda joriy yil va istiqbolga mo‘ljallangan to‘rt yo‘nalishdan iborat vazifalar belgilab olindi. Birinchi yo‘nalishda Aholining ijtimoiy himoyaga muhtoj va ehtiyojmand qatlamini hisobga olish, ularga pensiya va nafaqalar tayinlash, kasbga yo‘naltirish, bandligini ta’minlash borasida ishlar ko‘lamini yanada kengaytirish. Ikkinchi yo‘nalishda nogironligi bo‘lgan ehtiyojmand aholini qo‘llab-quvvatlash tizimi yanada kengaytirish. Uchinchi yo‘nalish, mahallalardagi ijtimoiy muammolarni aniqlash va hal etish bo‘yicha yangi tizim joriy etish. To‘rtinchi yo‘nalish, ishchi-xodimlarning samarali faoliyati uchun, uchta asosiy ijtimoiy masalada (kasallik, ishsiz qolish, homiladorlik) bosqichma-bosqich kafolatli himoyalash tizimi joriy etish nazarda tutilgan.
Izoh (0)