Кейинги йилларда мамлакатимизда амалга оширилаётган ижтимоий сиёсатнинг моҳияти, йўналиши аҳолининг ёрдамга муҳтож қатламларини қўллаб-қувватлаш ва камбағалликни бартараф этишга қаратилган аниқ режа ва самарадорликка қаралтилганлиги билан фарқ қилмоқда. Бу борадаги фаолиятни давлат раҳбарининг шахсан бошчилигида мувофиқлаштириб боришда эҳтиёжманд аҳолининг ижтимоий ҳимоясини янада кучайтириш чора тадбирлари бўйича 29 апрель куни ўтказилган видеоселектор йиғилиши, ижтимоий, ташкилий-сиёсий ва стратегик аҳамияти билан муҳим аҳамиятга эга.
Биринчидан, ижтимоий жиҳатдан эҳтиёжманд аҳолининг барча қисми, қандай аҳволда бўлмасин давлатнинг эътиборида эканлигини, бу йўналишдаги стратегиядан келиб чиқиб ишлаб чиқилган режаларнинг амалда қандай бораётганлиги, унинг жорий йилдаги дастлабки натижалари ва янги вазифаларнинг қўйилиши нафақат аҳолининг ёрдамга муҳтож қатламларига ва балки бутун аҳолига нисбатан амалга оширилаётган ижтимоий сиёсатнинг адолатлигидан келиб чиқаётганлигини кўрсатади. Бу тадбирнинг Рамазон Ҳайити байрами арафасида ўтказилиши ижтимоий сиёсатнинг адолатлигидан ва халқчиллигини кўрсатади.
Иккинчидан, йиғилишда ташкилий жиҳатдан барча вилоятлар, аҳолининг турли қатламлари кесимида 2022 йил давомида амалга оширилаётган ишларнинг қандай бораётганлиги ва реал аҳволнинг кенг жамоатчилик олдида, масъуллар ва ижтимоий фаоллар билан муҳокама қилиниши, уларнинг фикр мулоҳазаларига эътибор берилди ва зарур кўрсатмалар берилди. Бу ўз навбатида бу соҳадаги ишларни тизимли олиб борилаётганлигини ўз вақтида ва жойида таъминланаётганлигини кўрсатади. Иккинчидан, мавжуд муаммоларни масалан, 2,2 миллион аҳолининг ижтимоий ёрдамга муҳтожлиги яна 340 минг аҳолини ижтимоий ёрдам билан қамраб олиш зарурияти мавжудлиги; эҳтиёжманд аҳолининг муаммолари билан республика аҳамиятидаги идораларнинг маҳалла даражасига иш олиб бормаётганлиги; аввал ишламаган, «Саховат» уйларидаги яшовчи 1 мингга яқин ёши улуғ кишиларга ҳозир ҳеч қандай тўлов йўқлиги каби тизимли муаммоларнинг муҳокама қилинганлиги ва уларни ҳал этиш учун конкрет натижаларга эришишнинг шарт-шароитлари ва имкониятларини, ишнинг режага мувофиқлигини таъминлаш учун кўрсатмалар берилди. Шунингдек қўйилган вазифаларни бажаришга ижобий ёрдам бераётган ва тўсқинлик қилаётган омилларни йўқотиш учун қўшимча механизмларини аниқлаш асосида керакли қарорларни қабул қилишга янги имкониятлар вужудга келтирди.
Учинчидан, йиғилишда жорий йил ва истиқболга мўлжалланган тўрт йўналишдан иборат вазифалар белгилаб олинди. Биринчи йўналишда Аҳолининг ижтимоий ҳимояга муҳтож ва эҳтиёжманд қатламини ҳисобга олиш, уларга пенсия ва нафақалар тайинлаш, касбга йўналтириш, бандлигини таъминлаш борасида ишлар кўламини янада кенгайтириш. Иккинчи йўналишда ногиронлиги бўлган эҳтиёжманд аҳолини қўллаб-қувватлаш тизими янада кенгайтириш. Учинчи йўналиш, маҳаллалардаги ижтимоий муаммоларни аниқлаш ва ҳал этиш бўйича янги тизим жорий этиш. Тўртинчи йўналиш, ишчи-ходимларнинг самарали фаолияти учун, учта асосий ижтимоий масалада (касаллик, ишсиз қолиш, ҳомиладорлик) босқичма-босқич кафолатли ҳимоялаш тизими жорий этиш назарда тутилган.
Изоҳ (0)