Shavkat Mirziyoyev raisligida 29-aprel kuni ehtiyojmand aholining ijtimoiy himoyasini yanada kuchaytirish chora-tadbirlari yuzasidan o‘tkazilgan videoselektor yig‘ilishi o‘tkazildi. Yig‘ilishda davlat rahbari berilgan imtiyozlardan foydalanib o‘qigan va ish joyiga ega bo‘lgan qashqadaryolik yigitga minnatdorchilik bildirdi.
Qashqadaryo hokimi Murodjon Azimov davlat rahbariga yigitni tanishtirdi.
“Bugungi yig‘ilishimizda Bozorov Umid ismli yigit qatnashyapti. Bu yigit sizni ajratib bergan grandingiz tufayli Qarshi muhandislik iqtisodiyot universitetini budjetda tugatdi. Mana, hozir Din ishlari bo‘yicha qo‘mitaning viloyat boshqarmasida bosh mutaxassis bo‘lib ishlayapti. Bu ham chin yetim yigit”, — deya tanishtirdi viloyat hokimi.
Prezident viloyat hokimini eshitib bo‘lib, Umidga minnatdorchilik bildirdi.
“Rahmat, shu o‘g‘limdan minnatdorman. Hozirgi zamonga munosib bo‘lib, o‘qib, bilim olganing ertangi kuningga befarq bo‘lmaganing uchun men sendan minnatdorman. Ilohim, baxt-u kamoliningni ko‘rish nasib qilsin. Ishlaringga omad”, — dedi Shavkat Mirziyoyev.
Izoh (0)