Toshkentda 2022-yilning 18-may kuni Italiya va O‘zbekiston futboli afsonalari o‘rtasida o‘rtoqlik uchrashuvi o‘tkaziladi. Bu haqda O‘FA matbuot xizmati xabar bermoqda.
Xabarga ko‘ra, O‘zbekiston futbol assotsiatsiyasi, BMB Trade Group kompaniyasi, Toshkent shahar hokimligi va Hilton mehmonxonasi o‘zbek futbolining 110-yilligiga bag‘ishlab muxlislar uchun sovg‘a tayyorlamoqda. Uzoq yillar davomida O‘zbekiston sharafini himoya qilgan futbol afsonalari milliy terma jamoa bilan xayrlashuv uchrashuvini o‘tkazadi. Shu munosabat bilan O‘zbekistonga Italiya futboli afsonalaridan iborat jamoa tashrif buyuradi.
Media-tadbirlar 17-may kuni “Bunyodkor” stadionida, jamoalar o‘rtasidagi o‘yin esa 18-may kuni “Paxtakor” stadionida o‘tkazilishi rejalashtirilgan.
Avvalroq O‘FA birinchi vitse-prezidenti Ravshan Ermatov faoliyatini yakunlagan bir qator nomdor o‘zbekistonlik futbolchilar uchun xayrlashuv uchrashuvini o‘tkazish reja qilinayotgani haqida ma’lum qilgandi.
Izoh (0)