Futbol bo‘yicha Angliya chempionatining 35-turidan o‘rin olgan o‘yinda “Manchester Siti” 30-aprel, shanba kuni “Lids” bilan bahs yuritdi.
“Lids” mezbonligida o‘tgan bahs “shaharliklar”ning yirik g‘alabasi bilan yakunlandi. Rodri, Natan Ake, Fernandinyo va Gabriel Jezusning gollari manchesterliklarga g‘alaba keltirdi.
Shu tariqa “Manchester Siti” safardan chempionlik yo‘lidagi muhim bo‘lgan 3 ochko bilan qaytadigan bo‘ldi. Mazkur tur doirasida “Liverpul” “Nyukasl”ni yengib, peshqadamga aylanib olgandi — 82 ochko. Biroq g‘alabadan keyin “Siti” hisobidagi ochkolar 83 taga yetdi. Musobaqa yakunlanishiga 3 tur qolgan bir vaqtda oradagi farq bir ochkoni tashkil qilmoqda.
APL
35-tur bahslari
30-aprel, shanba
“Lids” – “Manchester Siti” 0:4
Gollar: 0:1 – 13 Rodri, 0:2 – 54 Ake, 0:3 – 78 Gabriel Jezus, 0:4 – 90 Fernandinyo.“Lids”: Melye, Dallas (Jeyms, 45), Eyling, Streyk, Kox, Firpo (Gelxardt, 62), Harrison, Klix, Fillips, Rafinya, Rodrigo (Grinvud, 83).
“Manchester Siti”: Ederson, Joau Kanselu, Lyaport, Ruben Diash, Ake (Zinchenko, 60), Gundo‘g‘an, Grilish, Rodri (Fernandinyo, 83), Foden (Bernardu Silva, 80), Sterling, Gabriel Jezus.
Ogohlantirishlar: Firpo (6), Grilish (14), Joau Kanselu (68).
Izoh (0)