Futbol bo‘yicha Ispaniya La Ligasining 34-turidan o‘rin o‘yinda “Real” 30-aprel, shanba kuni “Espanyol”ga qarshi bahs yuritdi.
“Santyago Bernabeu”da o‘tgan bahsda mezbonlar yirik g‘alabani qo‘lga kiritdi. 33-daqiqada Rodrigo hisobni ochdi, oradan 10 daqiqa o‘tar-o‘tmas braziliyalik futbolchi dublni rasmiylashtirdi.
Ikkinchi bo‘lim avvalida Marko Asensio hisobni yirik ko‘rinishga olib keldi — 3:0. Uchrashuv yakunlanishi arafasida Karim Benzema ham o‘z nomiga gol yozdirib qo‘ydi va jamoasiga yirik g‘alabani taqdim etdi.
Shu tariqa Madrid klubi yirik g‘alabani qo‘lga kiritib, muddatidan avval Ispaniya chempionligini qo‘lga kiritdi. Bu madridliklar uchun o‘z tarixidagi 35-chempionlik bo‘ldi. Jamoa bosh murabbiyi Karlo Anchelotti esa top-5 ligalarning barchasida g‘alaba qozongan ilk murabbiyga aylandi.
La Liga
34-tur bahsi
30-aprel, shanba
“Real” – “Espanyol” 4:0
Gollar: 1:0 – 33 Rodrigo, 2:0 – 43 Rodrigo, 3:0 – 55 Asensio, 4:0 – 81 Benzema.“Real”: Kurtua, Kazemiro (Isko, 61), Valyexo, Marselo, Modrich (Kroos, 60), Sebalyos, Kamavinga (Xila, 75), Vaskes, Mariano Dias (Benzema, 60), Asensio, Rodrigo (Vinisius Junior, 75).
“Espanyol”: Diyego Lopes, Serji Gomes, Kalero (David Lopes, 83), Kabrera, Melendo (Morlanes, 65), Vilyena (Didak Vila, 65), Darder, Errera (Merida, 76), Aleish Vidal, de Tomas (U Ley, 65), Puado.
Ogohlantirishlar: Mariano Dias (42), Kazemiro (46).
Izoh (0)