Mashhur futbol agenti Mino Rayola 30-aprel kuni 54 yoshida vafot etdi. Bu haqida uning oila a’zolari ma’lum qildi.
Eng g‘amxo‘r va qoyilmaqom futbol agenti vafot etganini chuqur qayg‘u bilan ma’lum qilamiz. Mino muzokaralar jarayonida qanday g‘ayrat bilan kurashsa, xuddi shunday o‘z futbolchilarini ham himoya qilardi.28-aprel kuni Mino Rayolaning vafoti haqidagi xabarlar tarqalgandi. Ammo oradan biroz vaqt o‘tib, uning o‘zi Twitter tarmog‘ida hammasi joyida ekanligi, lekin chiqayotgan xabarlardan g‘azabda ekanligini yozib qoldirgandi.Minoning faoliyati juda ko‘p insonlarning hayotiga ta’sir qildi, u zamonaviy futbol tarixida yangi sahifa yozdi. Biz uni doim sog‘inamiz. Rayolaning futbol olamini futbolchilar uchun yaxshiroq joyga aylantirish missiyasi xuddi shu ishtiyoq bilan davom etadi.
Ushbu og‘ir damlarda bizga ko‘rsatilayotgan qo‘llab-quvvatlashlar uchun minnatdorchilik bildiramiz va ushbu qayg‘uli daqiqada oilangiz va do‘stlaringiz shaxsiy hayotini hurmat qilishingizni so‘rab qolamiz.
Mino Rayolaning oila a’zolari
Mino Rayola 1967-yil 4-noyabrda Italiyada tavallud topgan. Futbol olamida Pol Pogba, Erling Holand, Zlatan Ibrahimovich, Mario Balotelli, Genrix Mxitaryan, Marko Veratti, Janluiji Donnarumma, Jastin Klyuyvert, Matteys de Ligt va yana ko‘plab futbolchilarning agenti sifatida mashhur edi.
Mino 1990-yilda Sports Promotions’da futbol agenti sifatida faoliyatini boshlagan. Ushbu kompaniyada ish boshlagan agent 1992-yilda Brayan Royning “Ayaks”dan “Fodja”ga o‘tishi bilan shug‘ullangan. Bir necha yildan so‘ng Rayola mustaqil agent sifatida kompaniyani tark etgan. Ilk katta transferi esa Pavel Nedvedning “Sparta”dan “Latsio”ga o‘tishi bo‘lgan.
2020-yildan buyon dunyoning eng mashhur va ta’sir doirasi keng agentlardan biriga aylangandi.
Izoh (0)