Ukrainadagi urushning oltmish ikkinchi kuni yakunlandi. Kiyev viloyatida hamon tinch aholining jasadlari topilmoqda. Chernobil AESdagi avariyaga 36 yil to‘ldi, odamlar AESda ishlagan likvidatorlar xotirasiga gul olib kelishmoqda. Kiyevda Rossiya va Ukraina xalqlari do‘stligi arki ostidagi yodgorlik buzib tashlandi. Donbassning shimolida snaryadlar, hovlilarda esa qabrlar. Meduza 26-aprel suratlarini jamladi.
Kiyev va Kiyev viloyati
Ayol turmush o‘rtog‘ining dafn marosimida qo‘shnisini quchmoqda. Bucha yaqinidagi Ozero qishlog‘ida yashovchi Nikolay Moroz 13-mart kuni Rossiya kuchlari tomonidan asirga olingandi. Uni noma’lum tomonga olib ketishgan. Bir necha hafta o‘tgach, uning o‘qqa tutilgan jasadi uydan 15 kilometr uzoqlikda topilgan.Foto: AP Photo
Nikolay Morozning yaqinlari uning dafn marosimida.Foto: AP Photo
Noviy Bikov qishlog‘idagi madaniyat markazi devorida “Rossiyaga shon-sharaf” yozuvi. Yozuv ostidagi esa neonatsislarning ramzlaridan biri bo‘lgan kelt xochi.Foto: Getty Images
Kiyevda Rossiya va Ukraina xalqlari do‘stligi arki ostidagi yodgorlik buzib tashlandi. Buzish paytida birinchi bo‘lib rus ishchisi haykalining boshi qulab tushdi. Kiyev meri Vitaliy Klichkoning so‘zlariga ko‘ra, ark Ukraina xalqi erkinligi arki deb qayta nomlanadi.Foto: Getty Images
Kiyevda Chernobil qahramonlari yodgorligiga gul qo‘yayotgan ayol. Yodgorlik ehtimoliy zarbalardan himoyalash maqsadida qum to‘ldirilgan qoplar bilan o‘rab qo‘yilgan. 26-aprel kuni Chernobil AES avariyasiga 36 yil to‘ldi.Foto: EPA
Chernobil
Ukrainalik askar Chernobil fojiasida halok bo‘lgan o‘t o‘chiruvchilarning haykallari oldida.Foto: AFP
Chernobildagi daraxt ostida turgan avtomobil.Foto: AP Photo
Ujgorod
Ayol turmush o‘rtog‘ini frontga jo‘natish oldidan u bilan xayrlashmoqda.Foto: Reuters
Xarkov
Metroga tushish yo‘lagida turgan ayol. Xarkov aholisi Rossiya o‘qlaridan yashirinish uchun hamon metroda yashamoqda.Foto: Reuters
Uch nafar ukrainalik shahar aholisiga gumanitar yordam tarqatmoqda (ulardan biri bola bilan o‘ynamoqda). Ular har kuni gumanitar yordam tarqatadi.Foto: AFP
Odamlar gumanitar yordam uchun navbatda turibdi.Foto: AFP
Rossiya armiyasining hujumidan keyin ko‘tarilgan tutun.Foto: AFP
Rubijnoydagi bolalar maydonchasida qabrlar. 25-aprel kuni Ramzan Qodirovning maslahatchisi shahar to‘liq nazoratga olinganini ma’lum qilgandi.Foto: “TASS”
Slavyansk yaqinida BTRda ketayotgan ukrainalik askar. Shahar Ukraina nazoratida qolmoqda.Foto: AFP
Kramatorskdagi kasalxonada qum qoplariga ilib qo‘yilgan o‘pka rentgenogrammasi. Shahar Ukraina nazorati ostida.Foto: AP Photo
Izoh (0)