Qirg‘iziston Bosh prokuraturasi davlat rahbari Sadir Japarovni so‘roqqa chaqirdi, deb xabar bermoqda “Vesti.kg” nashri.
Prokuratura matbuot xizmatining nashrga ma’lum qilinishicha, prezident bugun, 27-aprel kuni so‘roq qilinishi kerak.
“Sadir Japarov 2010-yil iyun voqealari yuzasidan olib borilayotgan ish bo‘yicha guvoh sifatida so‘roqqa chaqirildi”, — deyiladi muassasa xabarida.
Avvalroq Qirg‘iziston Milliy xavfsizlik davlat qo‘mitasi rahbari Qamchibek Tashiyev xuddi shu ish bo‘yicha so‘roq qilingandi.
2010-yilning iyun oyida Qirg‘iziston janubida millatlararo to‘qnashuvlar sodir bo‘lgan. Buning oqibatida yuzlab fuqarolar halok bo‘lgan, minglab odamlar tan jarohati olgan.
Sadir Japarov Milliy xavfsizlik davlat qo‘mitasiga o‘sha fojialarga oid materiallarni o‘rganishni topshirgandi.
Izoh (0)