AQSH Rossiya razvedka xizmatlariga aloqadorligi taxmin qilinayotgan olti nafar xaker haqidagi ma’lumot uchun 10 million dollargacha mukofot taklif qildi. Bu haqda AQSH Davlat departamenti saytida aytilgan.
Davlat departamentining ma’lum qilishicha, olti nafar ofitser Rossiya Qurolli kuchlari bosh shtabi (GRU) bosh boshqarmasining kiber yo‘naltirilgan bo‘linmasida ishlaydi, ular go‘yoki 2017-yilda NotPetya zararli dasturlarini tarqatishda ishtirok etgan.
NotPetya kiberhujumi Ukrainaning infratuzilmasiga va butun dunyo mamlakatlari, jumladan. Fransiya, Germaniya, Italiya va AQSHdagi kompyuterlarga zarar yetkazib, milliardlab dollar zarar keltirgandi.
Departament kiberhujumlarda ishtirok etganlarni aniqlash imkonini beruvchi har qanday ma’lumotni tarqatganlarga 10 million dollargacha mukofot va’da qilmoqda.
Rossiya o‘z navbatida huquq-tartibot idoralarining xorijiy davlatlarga nisbatan xakerlik hujumlarini amalga oshirishga aloqadorligi haqidagi ayblovlarni bir necha bor rad etgan.
Mavzuga doir:
- KXDR xakerlari 600 mln dollardan ortiq kriptovalyutani o‘g‘irlashda ayblanmoqda
- Moskvada The Infraud Organization xakerlar guruhining asoschisi deb hisoblanadigan shaxs hibsga olindi. AQShda ushbu guruh yarim milliard dollarni o‘marishda ayblanmoqda
- AQSh DarkSide xakerlar guruhining yetakchilari haqidagi ma’lumot uchun 10 mln dollar mukofot e’lon qildi
Izoh (0)