АҚШ Россия разведка хизматларига алоқадорлиги тахмин қилинаётган олти нафар хакер ҳақидаги маълумот учун 10 миллион долларгача мукофот таклиф қилди. Бу ҳақда АҚШ Давлат департаменти сайтида айтилган.
Давлат департаментининг маълум қилишича, олти нафар офицер Россия Қуролли кучлари бош штаби (GRU) бош бошқармасининг кибер йўналтирилган бўлинмасида ишлайди, улар гўёки 2017 йилда NotPetya зарарли дастурларини тарқатишда иштирок этган.
NotPetya киберҳужуми Украинанинг инфратузилмасига ва бутун дунё мамлакатлари, жумладан. Франция, Германия, Италия ва АҚШдаги компьютерларга зарар етказиб, миллиардлаб доллар зарар келтирганди.
Департамент киберҳужумларда иштирок этганларни аниқлаш имконини берувчи ҳар қандай маълумотни тарқатганларга 10 миллион долларгача мукофот ваъда қилмоқда.
Россия ўз навбатида ҳуқуқ-тартибот идораларининг хорижий давлатларга нисбатан хакерлик ҳужумларини амалга оширишга алоқадорлиги ҳақидаги айбловларни бир неча бор рад этган.
Мавзуга доир:
- КХДР хакерлари 600 млн доллардан ортиқ криптовалютани ўғирлашда айбланмоқда
- Москвада The Infraud Organization хакерлар гуруҳининг асосчиси деб ҳисобланадиган шахс ҳибсга олинди. АҚШда ушбу гуруҳ ярим миллиард долларни ўмаришда айбланмоқда
- АҚШ DarkSide хакерлар гуруҳининг етакчилари ҳақидаги маълумот учун 10 млн доллар мукофот эълон қилди
Изоҳ (0)