Amerikaning bir nechta mahalliy ommaviy axborot vositalarida Rossiya, Qozog‘iston va O‘zbekistondan uran sotib olishni to‘xtatishga chaqiruvchi maqolalar chop etilgan.
Ushbu maqolalar mualliflari uran importining 40 foizi ushbu uch davlatdan kelishiga e’tibor qaratadi.
Ushbu haddan tashqari qaramlik bizning muhim xomashyo yetkazib berish zanjirlari milliy xavfsizligimiz va iqtisodiyotimiz uchun xavf tug‘diradigan darajaga tushib qolganiga misoldir, — deyiladi maqolalardan birida.
Maqolalarda AQSHga boshqa mamlakatlardan uran yetkazib berishni taqiqlash va o‘z konlarini ko‘proq rivojlantirish taklif qilingan.
O‘zbekiston AQSHga uran yetkazib beruvchi asosiy davlatlardan biridir. 2020-yilda davlatning umumiy hajmdagi ulushi 8 foizga baholandi (Rossiya ulushi 16 foiz, Qozog‘iston 22 foiz). 2020-yilda O‘zbekiston AQSHga U3O8e ekvivalentida 3,9 million funt uran sotgan.
O‘zbekiston uran zaxiralari bo‘yicha dunyoda 10-o‘rinda, qazib olish bo‘yicha esa 5-o‘rinda turadi. NKMK dunyodagi eng yirik uran ishlab chiqaruvchilardan biridir.
Izoh (0)