Qozog‘istonda 2021-yilning to‘rtinchi choragida daromadi o‘rtacha ko‘rsatkichdan past bo‘lgan uy xo‘jaliklari soni oshib borgan. Bu haqda “Forbes.kz” xabar qildi.
Yil davomida daromadi o‘rtacha yashash qiymatidan kam bo‘lgan aholi soni 9,9 foizga oshib, 154,4 mingtaga yetgan. Bu bir yil avvalgi ko‘rsatkichga nisbatan 8,1 foizga ko‘proqdir.
Taqqoslash uchun: 2020-yilning to‘rtinchi choragida bunday uy xo‘jaliklari soni 140,6 mingtani tashkil etgan. Bu esa yiliga 12 foiz o‘sish kuzatilganini anglatadi.
Bundan tashqari, 2021-yilning to‘rtinchi choragida 2,4 ming xonadonning daromadi iste’mol savati qiymatidan past bo‘lgan. Yil davomida ularning soni 1,9 barobarga kamaygan.
Mintaqaviy nuqtayi nazardan, 2021-yilning to‘rtinchi choragida daromadi yashash darajasidan past bo‘lgan uy xo‘jaliklarining eng ko‘p soni Turkiston viloyatiga to‘g‘ri keldi.
Keyingi o‘rinlarda Olmaota shahri (14,9 ming xonadon) va Olmaota viloyati (13,8 ming xonadon) turadi. Bunday xonadonlarda yashovchi aholi Turkiston viloyatida 186,8 ming kishini, Olmaota shahrida 94,5 ming kishini, Olmaota viloyatida 90,5 ming kishini tashkil qilgan.
Past daromadli uy xo‘jaliklarining eng kam soni Atirau viloyatida qayd etilgan: atigi 3,4 ming. Lekin bu ko‘rsatkich yiliga 20,2 foizga o‘sgan. Bu xonadonlarda 24,1 ming kishi istiqomat qilgan.
Avvalroq Qozog‘iston 15-apreldan bug‘doy va un eksportini cheklashi haqida xabar berilgan edi.
Izoh (0)