Ukrainadagi urush tufayli Rossiyaga joriy qilingan sanksiyalar bu davlatga yoki bu davlatdan pul jo‘natish yo‘llari soni sezilarli darajada qisqardi. “Daryo” hozirda aktual usullarni sanab o‘tdi.
1. Pul o‘tkazmalari tizimlari
Sanksiyalar tufayli WesternUnion, MoneyGram, Wise, OFX, PayPal, TransferGo Rossiyadagi faoliyatini to‘xtatdi. Biroq uchta Rossiya xizmatlari ishlamoqda:
- “Zolotaya Korona”;
- Unistream;
- Contact.
2. “Mir” kartalari
2020-yili Uzcard va “Mir” kartalari o‘rtasida o‘tkazmalar yo‘lga qo‘yilgandi. Bundan tashqari, O‘zbekiston banklari Uzcard-“Mir” kartlarini ham chiqarmoqda. Kartalar bir necha mamlakatlarda qabul qilinadi (masalan, Turkiya), ulardan xalqaro o‘tkazmalar uchun ham foydalanish mumkin.
3. Bank o‘tkazmalari
Hisob ma’lumotlaridan foydalangan holda SWIFT o‘tkazmalari yordamida pul o‘tkazish mumkin.“Tinkoff”,“Rosbank”,“Gazpromban”,“Raiffeisenbank”ning qo‘llab-quvvatlash xizmatlari SWIFT orqali pul jo‘natish imkoniyatini tasdiqladi.
Bloklash sanksiyalari ostida qolgan banklarda SWIFT o‘tkazmalari ishlamaydi — bular “VTB”, Sovcombank, “Novikombank”, “Promsvyazbank”, “Otkritiye”, “Rossiya”, “Alfa-Bank” va “Sberbank”.
Avvalroq 2022-yil boshidan O’zbekistonga pul o‘tkazmalari 3 foizga oshgani haqida xabar berilgan edi.
Izoh (0)