Қозоғистонда 2021 йилнинг тўртинчи чорагида даромади ўртача кўрсаткичдан паст бўлган уй хўжаликлари сони ошиб борган. Бу ҳақда «Forbes.кз» хабар қилди.
Йил давомида даромади ўртача яшаш қийматидан кам бўлган аҳоли сони 9,9 фоизга ошиб, 154,4 мингтага етган. Бу бир йил аввалги кўрсаткичга нисбатан 8,1 фоизга кўпроқдир.
Таққослаш учун: 2020 йилнинг тўртинчи чорагида бундай уй хўжаликлари сони 140,6 мингтани ташкил этган. Бу эса йилига 12 фоиз ўсиш кузатилганини англатади.
Бундан ташқари, 2021 йилнинг тўртинчи чорагида 2,4 минг хонадоннинг даромади истеъмол савати қийматидан паст бўлган. Йил давомида уларнинг сони 1,9 баробарга камайган.
Минтақавий нуқтаи назардан, 2021 йилнинг тўртинчи чорагида даромади яшаш даражасидан паст бўлган уй хўжаликларининг энг кўп сони Туркистон вилоятига тўғри келди.
Кейинги ўринларда Олмаота шаҳри (14,9 минг хонадон) ва Олмаота вилояти (13,8 минг хонадон) туради. Бундай хонадонларда яшовчи аҳоли Туркистон вилоятида 186,8 минг кишини, Олмаота шаҳрида 94,5 минг кишини, Олмаота вилоятида 90,5 минг кишини ташкил қилган.
Паст даромадли уй хўжаликларининг энг кам сони Атирау вилоятида қайд этилган: атиги 3,4 минг. Лекин бу кўрсаткич йилига 20,2 фоизга ўсган. Бу хонадонларда 24,1 минг киши истиқомат қилган.
Аввалроқ Қозоғистон 15 апрелдан буғдой ва ун экспортини чеклаши ҳақида хабар берилган эди.
Изоҳ (0)