Mart oyida O‘zbekiston oltin eksportini davom ettirdi. Bu haqda Davlat statistika qo‘mitasi ma’lumotlarida qayd etildi.
O‘zbekiston yil boshidan buyon xorijga 2,9 milliard dollarga oltin sotilgan. Eng ko‘pi fevral oyiga to‘gri keldi — 1,7 milliard dollar.
Oltin boshqa tovarlar sotuvi pasayib ketishi sabab 51 foiz ulush bilan O‘zbekistoning asosiy eksport tovariga aylandi.
O‘zbekiston oltinini kim, qayerga va nima uchun sotyapti?
Ko‘plab oltin ishlab chiqaruvchi mamlakatlarda uni mamlakatning o‘zi eksport qiladi, ammo O‘zbekistondagi yagona sotuvchi – bu Markaziy bank bo‘lib, ishlab chiqaruvchilardan (masalan, Navoiy kon-metallurgiya kombinatidan) oltinni sotib oladi va uni boshqa mamlakatlarga (asosan Shveysariyaga) eksport qiladi.
Markaziy bankda aytishlaricha, oltin uning narxi qimmatlashgan paytida sotilar ekan. Fevral oyi esa maqbul payt bo‘ldi — oltin bahosi bir unsiya uchun 1804 dollardan 1913 dollarga oshdi.
Avvalroq O‘zbekiston iqtisodiyoti, Fitch tahlilchilariga ko‘ra, 2022-yilda 3,1 foizga o‘sishi haqida xabar berilgan edi. Taqqoslash uchun 2021-yilda u 7,4 foizni tashkil qilgan edi.
O‘sishning sekinlashishi pul o‘tkazmalarining qisqarishi, ba’zi bir yirik loyihalarning qoldirilishi, tashqi moliyalashtirishning murakkablashishi, so‘m qadrsizlanib, inflyatsiya o‘sishi bilan izohlanadi. Biroq oltin zararni qoplaydi, degan edi tahlilchilar.
Izoh (0)