“Inqiroz hali uzoq davom etadi” — EY tahlilchilari Rossiya kompaniyalariga boshqa mamlakatlarga ketishni tavsiya qildi

EY tahlilchilari Rossiya kompaniyalariga boshqa mamlakatlarga ketishni tavsiya qildi.

Ekspertlarning fikricha, Birlashgan Arab Amirliklari, Gonkong va Shanxay savdo va xolding tuzilmalari uchun eng mos hudud hisoblanadi.

Rossiyaga qarshi sanksiyalar bilan bog‘liq inqiroz uzoq muddat amalda bo‘ladi. Shuning uchun korxonalar yangi sharoitda ishni tez fursatda tiklash uchun tuzilmalarni, logistika va ishlab chiqarishni faol ravishda qayta qurishni boshlashlari kerak, — deb maslahat berdi EY konsalting kompaniyasi mutaxassislari.

Ushbu mamlakatda ro‘yxatdan o‘tgan tuzilmalardan foydalanish aktivlar va hisoblarning bloklanishiga, kemalarni ijaraga olish va transport sug‘urtasi bilan bog‘liq muammolarga olib kelishi mumkin. Biznes uchun yana bir muammo — bu xorijiy etkazib beruvchilarning Rossiyaga tovarlarni jo‘natishdan bosh tortishidir.

Shu sababli EY biznesni ko‘chirish uchun bir nechta variantni tavsiya qildi. Mutaxassislarning qayd etishicha, BAAda (asosan Dubayda), shuningdek, Gonkong va Shanxayda savdo qilish uchun yaxshi infratuzilma mavjud.

Avvalroq Kanada Putinning ikki qizi, Lavrovning oilasi va rossiyalik biznesmenlarga qarshi sanksiyalar qo‘llagani haqida xabar berilgan edi.