Sherzod Shermatov O‘zbekiston nima uchun chet el IT kompaniyalarini taklif qilishini tushuntirdi

Avvalroq AKT vazirligi Microsoft kompaniyasiga O‘zbekistonda o‘z ofisini ochish taklifini bildirgani haqida xabar berilgan edi.

AKT rivojlantirish vaziri Sherzod Shermatovning ta’kidlashicha, O‘zbekistonda universitetni yaqinda tamomlagan yosh IT mutaxassislar ko‘p. O‘rta va yuqori darajadagi dasturchilarga aylanish uchun ular katta loyihalar ustida ishlashlari kerak.

Epam, Exadel va boshqalar kompaniyalar bu yerga yuqori darajadagi dasturchilarni olib kelishgan. Har bir katta mutaxassis uchun 3 yoki 4 ta kichik mutaxassis kerak bo‘ladi. Bu aholi bandligini ta’minlashga ijobiy ta’sir ko‘rsatadi va eksport hajmini oshirishga yordam beradi, — dedi vazir.

U O‘zbekiston xorijiy kompaniyalarni barcha zarur mahsulotlar bilan ta’minlashga tayyorligini ta’kidladi. Masalan, xorijiy kompaniyalar binolar, mebellar, kompyuterlar uchun sarmoya kiritmaydi – vazirlik olti oy davomida bepul foydalanish mumkin bo‘lgan mutlaqo yangi ofis tayyorlab beradi.

Yagona shart – masofaviy ish o‘rinlari tashkil etish va qishloqlarimizda kamida 50 kishini ish bilan ta’minlash bo‘ladi, — dedi vazir.

Uning so‘zlariga ko‘ra, bularning barchasi iqtidorli yoshlar yetakchi kompaniyalarda O‘zbekistonda turib ishlash imkoniyati bo‘lishi uchun qilinmoqda.

Avvalroq Epam kompaniyasi yuzlab xodimlarini Rossiya va Belarusdan O‘zbekistonga ko‘chirgani haqida xabar berilgan edi.