Март ойида Ўзбекистон олтин экспортини давом эттирди. Бу ҳақда Давлат статистика қўмитаси маълумотларида қайд этилди.
Ўзбекистон йил бошидан буён хорижга 2,9 миллиард долларга олтин сотилган. Энг кўпи февраль ойига тўгри келди — 1,7 миллиард доллар.
Олтин бошқа товарлар сотуви пасайиб кетиши сабаб 51 фоиз улуш билан Ўзбекистонинг асосий экспорт товарига айланди.
Ўзбекистон олтинини ким, қаерга ва нима учун сотяпти?
Кўплаб олтин ишлаб чиқарувчи мамлакатларда уни мамлакатнинг ўзи экспорт қилади, аммо Ўзбекистондаги ягона сотувчи – бу Марказий банк бўлиб, ишлаб чиқарувчилардан (масалан, Навоий кон-металлургия комбинатидан) олтинни сотиб олади ва уни бошқа мамлакатларга (асосан Швейцарияга) экспорт қилади.
Марказий банкда айтишларича, олтин унинг нархи қимматлашган пайтида сотилар экан. Февраль ойи эса мақбул пайт бўлди — олтин баҳоси бир унция учун 1804 доллардан 1913 долларга ошди.
Аввалроқ Ўзбекистон иқтисодиёти, Fitch таҳлилчиларига кўра, 2022 йилда 3,1 фоизга ўсиши ҳақида хабар берилган эди. Таққослаш учун 2021 йилда у 7,4 фоизни ташкил қилган эди.
Ўсишнинг секинлашиши пул ўтказмаларининг қисқариши, баъзи бир йирик лойиҳаларнинг қолдирилиши, ташқи молиялаштиришнинг мураккаблашиши, сўм қадрсизланиб, инфляция ўсиши билан изоҳланади. Бироқ олтин зарарни қоплайди, деган эди таҳлилчилар.
Изоҳ (0)