Toshkent viloyati Bo‘stonliq tumanida 13-aprel kuni pichoqbozlik oqibatida bir kishi yaralandi. Bu haqda Tergov departamenti xabar qildi.
Qayd etilishicha, shu kuni soat 00:30 larda K.A. (34 yoshli) Bo‘stonliq tumanida joylashgan “Bo‘stonliq dehqon bozori” hududidagi novvoyxona oldida tanishlari A.P. (22 yoshli) va A.F. (26 yoshli) bilan janjallashib qolgan. Tortishuv davomida K.A. novvoyxonada bo‘lgan oshxona pichog‘i bilan A.F.ning chap qorin sohasini orqa tomoniga bir marotaba urib, tan jarohati yetkazgan.
Oqibatda F.A. olgan tan jarohati bilan tuman markaziy shifoxonasiga yotqizilgan. Bo‘stonliq tumani tibbiyot birlashmasining ma’lumotnomaga ko‘ra, A.F.ning tanasida chap qorin sohasi orqa qismida sanchib kirgan jarohati, qovurg‘a va qovurg‘alararo qon tomirlar shikastlanishi, ingichka ichak sanchib kesib o‘tgan jarohati, gepertaniya, postgemorragik 2-darajali shok jarohatlari borligi ko‘rsatib o‘tilgan.
Holat yuzasidan Jinoyat kodeksning 104-moddasi 2-qismi “l” bandi (qasddan badanga og‘ir shikast yetkazish) bilan jinoyat ishi qo‘zg‘atilib, u protsessual tartibda ushlangan. Hozirda tergov harakatlari davom ettirilmoqda.
Izoh (0)