Ko‘prik qurilishi sabab Toshkentdagi TXAY ko‘chasining ayrim yo‘nalishlarida harakat vaqtincha cheklanadi

Yangi ko‘prik qurilishi ishlari olib borilayotgani sabab 16-apreldan Toshkent shahri TXAY ko‘chasining Qo‘yliq dehqon bozori ro‘parasidan o‘tgan qismidagi yo‘l avtomobillar harakati uchun qisqaradi. Bu haqda shahar hokimligi axborot xizmati xabar qildi.

Qayd etilishicha, quyidagi yo‘nalishlar vatincha yopiladi:

• TXAYning Qumariq—Rohat yo‘nalishida Qo‘yliq bozorining kirish joyi qarshisidan 200 metr uzunlikda to‘rt yo‘nalishidan ikkitasi vaqtincha yopiladi;
• TXAYning Rohat—Qumariq yo‘nalishida Compas savdo majmuasi qarshisidagi bitta yo‘nalishi 50 metr uzunlikda vaqtincha yopiladi.

Avvalroq Toshkent shahrida ta’mirlash ishlari sabab bir qator ko‘chalarda transport harakati vaqtincha cheklanadi. Ayrim hududlar 15-aprel kuni soat 06:00 gacha yopiladi.

Toshkent shahar hokimi Jahongir Ortiqxo‘jayev mas’ullarga 10 kun muddatda Toshkentdagi asosiy yo‘llarni ta’mirlash topshirig‘ini bergandi. “Kerak bo‘lsa, kechqurun ishlaysizlar. 10 kundan oshib ketsa, kechirilmaydi. Xato qilishga haqqinglar yo‘q”, — degan shahar hokimi.