Тошкент вилояти Бўстонлиқ туманида 13 апрель куни пичоқбозлик оқибатида бир киши яраланди. Бу ҳақда Тергов департаменти хабар қилди.
Қайд этилишича, шу куни соат 00:30 ларда К.А. (34 ёшли) Бўстонлиқ туманида жойлашган «Бўстонлиқ деҳқон бозори» ҳудудидаги новвойхона олдида танишлари А.П. (22 ёшли) ва А.Ф. (26 ёшли) билан жанжаллашиб қолган. Тортишув давомида К.А. новвойхонада бўлган ошхона пичоғи билан А.Ф.нинг чап қорин соҳасини орқа томонига бир маротаба уриб, тан жароҳати етказган.
Оқибатда Ф.А. олган тан жароҳати билан туман марказий шифохонасига ётқизилган. Бўстонлиқ тумани тиббиёт бирлашмасининг маълумотномага кўра, А.Ф.нинг танасида чап қорин соҳаси орқа қисмида санчиб кирган жароҳати, қовурға ва қовурғалараро қон томирлар шикастланиши, ингичка ичак санчиб кесиб ўтган жароҳати, гепертания, постгеморрагик 2-даражали шок жароҳатлари борлиги кўрсатиб ўтилган.
Ҳолат юзасидан Жиноят кодекснинг 104-моддаси 2-қисми «л» банди (қасддан баданга оғир шикаст етказиш) билан жиноят иши қўзғатилиб, у процессуал тартибда ушланган. Ҳозирда тергов ҳаракатлари давом эттирилмоқда.
Изоҳ (0)