“Chelsi” hujumchisi Timo Verner “Real”ga qarshi Chempionlar Ligasi chorak final javob o‘yinidan (3:2) so‘ng o‘z fikrlari bilan o‘rtoqlashdi.
Uydagi 1:3 hisobidagi mag‘lubiyatdan so‘ng vaziyatni o‘nglash — juda yaxshi. Hisob 3:0 bo‘lib turganda bizda hammasi yaxshi edi. Keyingi bosqichga chiqishga imkon bor edi. Biroq har doim ham “Real”ni to‘xtatib bo‘lmaydi. Biz buni bilamiz, shuning uchun asosiy va qo‘shimcha vaqtlarda qo‘limizdan kelganini qildik, ammo uydagi o‘yin natijasi vaziyatga ta’sir o‘tkazdi. Safarda deyarli mukammal o‘yin o‘tkazdik, qancha kuch sarflaganimiz, qanday o‘ynaganimizni hisobga olsak, hayratga tushishga asosimiz bor.“Chelsi” Chempionlar Ligasi chorak finalida ikki o‘yin natijasiga ko‘ra “Real”ga mag‘lub bo‘lib (1:3, 3:2), musobaqani tark etdi.Golni nishonlayotganimda, barchasi hal bo‘ldi deb o‘ylagandim. Biz oldinroq hisobni 3:0 ko‘rinishiga olib kelishimiz mumkin edi, ammo hakam bunga qo‘ymadi. Bu haqida ko‘p gapirish mumkin, lekin uchinchi goldan keyin biz keyingi bosqichga chiqdik deb o‘ylagandim. “Real”ga deyarli imkon qoldirmagandik, ammo tan olish kerak, ular juda yaxshi gollar urdi.
Asosiy vaqtda biz noto‘g‘ri harakat qilgan bitta lahza bo‘ldi, madridliklarda esa gol urish mahorati bor va ular buni ko‘rsatdi. Modrichning ajoyib uzatmasi golga olib keldi, bundan himoyalanish juda mushkul edi.
Bu muammoga aylandi va bizni qiyin ahvolga solib qo‘ydi. Ajoyib o‘yin o‘tkazgandik. Mo‘jiza sodir bo‘lishiga 10 daqiqa qolgandi, shuning uchun hafsalamiz pir bo‘ldi.
Timo Verner, “Chelsi” futbolchisi
Izoh (0)