Тимо Вернер «Реал»га қарши ўйин ҳақида: «Мўъжиза содир бўлишига 10 дақиқа қолганди»

«Челси» ҳужумчиси Тимо Вернер «Реал»га қарши Чемпионлар Лигаси чорак финал жавоб ўйинидан (3:2) сўнг ўз фикрлари билан ўртоқлашди.

Уйдаги 1:3 ҳисобидаги мағлубиятдан сўнг вазиятни ўнглаш — жуда яхши. Ҳисоб 3:0 бўлиб турганда бизда ҳаммаси яхши эди. Кейинги босқичга чиқишга имкон бор эди. Бироқ ҳар доим ҳам «Реал»ни тўхтатиб бўлмайди. Биз буни биламиз, шунинг учун асосий ва қўшимча вақтларда қўлимиздан келганини қилдик, аммо уйдаги ўйин натижаси вазиятга таъсир ўтказди. Сафарда деярли мукаммал ўйин ўтказдик, қанча куч сарфлаганимиз, қандай ўйнаганимизни ҳисобга олсак, ҳайратга тушишга асосимиз бор.

Голни нишонлаётганимда, барчаси ҳал бўлди деб ўйлагандим. Биз олдинроқ ҳисобни 3:0 кўринишига олиб келишимиз мумкин эди, аммо ҳакам бунга қўймади. Бу ҳақида кўп гапириш мумкин, лекин учинчи голдан кейин биз кейинги босқичга чиқдик деб ўйлагандим. «Реал»га деярли имкон қолдирмагандик, аммо тан олиш керак, улар жуда яхши голлар урди.

Асосий вақтда биз нотўғри ҳаракат қилган битта лаҳза бўлди, мадридликларда эса гол уриш маҳорати бор ва улар буни кўрсатди. Модричнинг ажойиб узатмаси голга олиб келди, бундан ҳимояланиш жуда мушкул эди.

Бу муаммога айланди ва бизни қийин аҳволга солиб қўйди. Ажойиб ўйин ўтказгандик. Мўъжиза содир бўлишига 10 дақиқа қолганди, шунинг учун ҳафсаламиз пир бўлди.

Тимо Вернер, «Челси» футболчиси