Toshkent shahrida o‘z xonadonida itni o‘ldirib, vannaga osib qo‘ygan erkakka sud hukmi o‘qildi. Bu haqda “Hayot” Hayvonlarni himoya qilish jamiyati xabar berdi.
Qayd etilishicha, voqea 2-aprel kuni sodir bo‘lgan. 4-aprel kuni esa birinchi sud majlisi bo‘lib o‘tgan. Unda erkakka 5 sutka ma’muriy qamoq jazosi tayinlangan.
11-aprel kuni ikkinchi sud majlisi bo‘lib o‘tgan va qoidabuzar fuqaroga nisbatan eng kam ish haqining 3 baravari miqdorida jarima to‘lash jazosi tayinlangan.
“Hayot” jamiyati esa sud bu ish bo‘yicha adolatsiz qaror chiqarganini ta’kidlamoqda.
Ma’lumot uchun, O‘zbekistonda mehnatga haq to‘lashning eng kam miqdori oyiga 822 000 so‘mni tashkil etadi.
Izoh (0)