Тошкент шаҳрида ўз хонадонида итни ўлдириб, ваннага осиб қўйган эркакка суд ҳукми ўқилди. Бу ҳақда «Ҳаёт» Ҳайвонларни ҳимоя қилиш жамияти хабар берди.
Қайд этилишича, воқеа 2 апрель куни содир бўлган. 4 апрель куни эса биринчи суд мажлиси бўлиб ўтган. Унда эркакка 5 сутка маъмурий қамоқ жазоси тайинланган.
11 апрель куни иккинчи суд мажлиси бўлиб ўтган ва қоидабузар фуқарога нисбатан энг кам иш ҳақининг 3 баравари миқдорида жарима тўлаш жазоси тайинланган.
«Ҳаёт» жамияти эса суд бу иш бўйича адолатсиз қарор чиқарганини таъкидламоқда.
Маълумот учун, Ўзбекистонда меҳнатга ҳақ тўлашнинг энг кам миқдори ойига 822 000 сўмни ташкил этади.
Изоҳ (0)