O‘zbekiston yo‘llarida sodir bo‘lgan yo‘l-transport hodisalari tafsilotlarini taqdim etamiz.
Namanganda “Jiguli” velosipedchini urib yubordi
Qayd etilishicha, yo‘l-transport hodisasi 1-aprel kuni soat 15:30 larda Namangan viloyati Uychi tumani “Cho‘rtuq” mahallasi hududida sodir bo‘lgan. Fuqaro “VAZ-2103” avtomashinasini boshqarib borayotib, harakat xavfsizligini ta’minlay olmay, yo‘lni kesib o‘tayotgan velosipedchini (2003-yilda tug‘ilgan) urib yuborgan.
Oqibatda velosipedchi chap qo‘l bilak suyagini yopiq sinishi tashxisi bilan shifoxonaga yotqizilgan.
Holat bo‘yicha tuman IIB huzuridagi TB tomonidan Jinoyat kodeksining 266-moddasi 1-qismi (transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Namanganda Damas yo‘l chetidagi 2-sinf o‘quvchisini urib ketdi
Holat 10-aprel kuni soat 10:30 larda Namangan viloyati Chust tumani “Mustaqillik” mahallasi hududida yuz bergan. Fuqaro Damas avtomashinasini boshqarib borayotib, harakat xavfsizligini ta’minlay olmay, yo‘lni chetida ketayotgan 2-sinf o‘quvchisi, 2013-yilda tug‘ilgan bolani urib ketgan.
YTH oqibatida piyoda bosh miya ochiq shikasti, chap chakka suyagini yopiq sinishi tashxisi bilan shifoxonaga yotqizilgan.
Farg‘onada Matiz urib yuborgan fuqaro vafot etdi
11-aprel kuni haydovchi M.I. Matiz avtomashinasini Farg‘ona tumani “Novkent” mahallasi hududida boshqarib ketayotgan vaqtida boshqaruvni yo‘qotib, yo‘l chetida turgan piyoda E.F.ni urib yuborgan.
Oqibatda E.F. tan jarohati olib, shifoxonada vafot etgan.
Holat yuzasidan Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Mavzuga doir:
Izoh (0)