Ўзбекистон йўлларида содир бўлган йўл-транспорт ҳодисалари тафсилотларини тақдим этамиз.
Наманганда «Жигули» велосипедчини уриб юборди
Қайд этилишича, йўл-транспорт ҳодисаси 1 апрель куни соат 15:30 ларда Наманган вилояти Уйчи тумани «Чўртуқ» маҳалласи ҳудудида содир бўлган. Фуқаро «ВАЗ-2103» автомашинасини бошқариб бораётиб, ҳаракат хавфсизлигини таъминлай олмай, йўлни кесиб ўтаётган велосипедчини (2003 йилда туғилган) уриб юборган.
Оқибатда велосипедчи чап қўл билак суягини ёпиқ синиши ташхиси билан шифохонага ётқизилган.
Ҳолат бўйича туман ИИБ ҳузуридаги ТБ томонидан Жиноят кодексининг 266-моддаси 1-қисми (транспорт бошқариш хавфсизлиги қоидаларини бузиш) билан жиноят иши қўзғатилган.
Наманганда Damas йўл четидаги 2-синф ўқувчисини уриб кетди
Ҳолат 10 апрель куни соат 10:30 ларда Наманган вилояти Чуст тумани «Мустақиллик» маҳалласи ҳудудида юз берган. Фуқаро Damas автомашинасини бошқариб бораётиб, ҳаракат хавфсизлигини таъминлай олмай, йўлни четида кетаётган 2-синф ўқувчиси, 2013 йилда туғилган болани уриб кетган.
ЙТҲ оқибатида пиёда бош мия очиқ шикасти, чап чакка суягини ёпиқ синиши ташхиси билан шифохонага ётқизилган.
Фарғонада Matiz уриб юборган фуқаро вафот этди
11 апрель куни ҳайдовчи М.И. Matiz автомашинасини Фарғона тумани «Новкент» маҳалласи ҳудудида бошқариб кетаётган вақтида бошқарувни йўқотиб, йўл четида турган пиёда Э.Ф.ни уриб юборган.
Оқибатда Э.Ф. тан жароҳати олиб, шифохонада вафот этган.
Ҳолат юзасидан Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилган.
Изоҳ (0)