Toshkent shaharida fuqaroni xorijga yuborishni va’da qilib, uning pullarini o‘z ehtiyojlari uchun sarflab yuborgan turistik firma xodimlari aniqlandi, deb xabar beradi poytaxt IIBB axborot xizmati.
Ma’lum qilinishicha, Mirzo Ulug‘bek tumani IIO FMBga kelib tushgan xabarga ko‘ra, turistik firmalardan birining xodimlari — 26 yoshli M.A. va 38 yoshli A.T. 36 yoshli fuqaro A.S.ga Antaliyaga (Turkiya) sayohat uyushtirishni va’da qilgan. Buning uchun undan 6 550 dollar olib, va’dasini bajarishmagan. Pullarni esa ular o‘z ehtiyojlari uchun sarflab yuborgan.
Mazkur holat yuzasidan Jinoyat kodeksining 168-moddasi 2-qismi (firibgarlik) bilan jinoyat ishi qo‘zg‘atilgan.
Avvalroq Toshkentda fuqarolarni 455 million so‘mga chuv tushirgan shaxs 10 yilga qamalgani, Samarqandda uch nafar fuqaroni AQShga yuborish uchun 60 ming dollar olgan shaxs ushlangani to‘g‘risida xabar berilgandi.
Izoh (0)