Тошкент шаҳарида фуқарони хорижга юборишни ваъда қилиб, унинг пулларини ўз эҳтиёжлари учун сарфлаб юборган туристик фирма ходимлари аниқланди, деб хабар беради пойтахт ИИББ ахборот хизмати.
Маълум қилинишича, Мирзо Улуғбек тумани ИИО ФМБга келиб тушган хабарга кўра, туристик фирмалардан бирининг ходимлари — 26 ёшли М.А. ва 38 ёшли А.Т. 36 ёшли фуқаро А.С.га Анталияга (Туркия) саёҳат уюштиришни ваъда қилган. Бунинг учун ундан 6 550 доллар олиб, ваъдасини бажаришмаган. Пулларни эса улар ўз эҳтиёжлари учун сарфлаб юборган.
Мазкур ҳолат юзасидан Жиноят кодексининг 168-моддаси 2-қисми (фирибгарлик) билан жиноят иши қўзғатилган.
Аввалроқ Тошкентда фуқароларни 455 миллион сўмга чув туширган шахс 10 йилга қамалгани, Самарқандда уч нафар фуқарони АҚШга юбориш учун 60 минг доллар олган шахс ушлангани тўғрисида хабар берилганди.
Изоҳ (0)