AQShning Jeksonvill shahrida Toshkent vaqti bilan 10-aprel tongida UFC 273 musobaqasi bo‘lib o‘tdi.
Oqshomning asosiy jangi yarim yengil vazn toifasi chempioni Aleksandr Volkanovski va “koreyalik zombi” laqabini olgan Chon Chhan Son o‘rtasida bo‘lib o‘tdi. Bellashuv Volkanovskining mutlaq ustunligida o‘tdi va to‘rtinchi raundga kelib avstraliyalik yakkakurashchi texnik nokaut evaziga koreyalik raqibini taslim etdi.
Musobaqadagi yana bir muhim janglardan biri o‘ta yengil vazn toifasi chempioni Aljameyn Sterling va vaqtinchalik chempion Pyotr Yan o‘rtasida kechdi. Dastlabki raund teng kurashlar ostida o‘tdi. Ikkinchi va uchinchi raundlarni Sterling parterdagi ustunlik evaziga o‘z hisobiga yozdirib qo‘ydi.
So‘nggi ikki raundda yaqqol ustunlik Pyotr tomonida bo‘ldi. Yakunda hakamlarning ikki nafari Sterling foydasiga qaror chiqardi va Aljameyn kamarni o‘zida saqlab qoldi.
Eslatib o‘tamiz, ular o‘rtasidagi dastlabki jangda Pyotr katta ustunlikka erishayotgan vaqtida taqiqlangan zarba yo‘llagan va g‘oliblik Sterlingga berilgandi.
Mavzuga doir: UFC 273. Hamzat Chimayev braziliyalik jiddiy raqibni mag‘lub etib, UFC’dagi beshinchi g‘alabasini qo‘lga kiritdi
- Aleksandr Volkanovski 4-raunddagi teznik nokaut evaziga Chon Chhan Sonni taslim etdi;
- Aljameyn Sterling hakamlar qaroriga ko‘ra Pyotr Yanni yengdi;
- Hamzat Chimayev ochkolar evaziga Gilbert Byornsdan ustun keldi;
- Makkenzi Dyorn ochkolar evaziga Tesia Torresni mag‘lub etdi;
- Mark Madsen hakamlar qaroriga ko‘ra Vinch Pichelni yutdi.
- Yan Garri hakamlar qaroriga ko‘ra Darian Uiksni yengdi;
- Antoni Ernandes ochkolar evaziga Josh Fremdni mag‘lubiyatga uchratdi;
- Rikel Pennington ochkolar evaziga Aspen Leddni yutdi;
- Mayk Malott 1-raunda Mikki Gallni nokautga uchratdi;
- Aleksey Oleynik 1-raunddagi sabmishen evaziga Jared Vanderani taslim etdi;
- Pyera Rodriges hakamlar qaroriga ko‘ra Kay Hansendan ustun keldi;
- Xulio Archi ochkolar evaziga Deniel Santosni yengdi.
Izoh (0)